2018 წელს ივანე ჯავახიშვილის სახელობის სახელმწიფო უნივერსიტეტის 100 წლის იუბილე იუნესკო-ს ღონისძიებათა სიაში შევიდა. საქართველოს მიერ წარდგენილი ნომინაცია "თბილისის სახელმწიფო უნივერსიტეტის 100 წლისთავი", სხვა ქვეყნებიდან წარდგენილ ნომინაციებთან ერთად განიხილებოდა იუნესკო-ს გენერალურ კონფერენციაზე. ამ გადაწყვეტილების მიხედვით კი, 2018 წელს უნივერსიტეტის იუბილე საერთაშორისო მნიშვნელობის იქნება და გაერთიანების ეგიდით, მთელი წლის განმავლობაში აღინიშნება.