რა უპასუხა ნინო ბურჯანაძემ ახრა ავიძბას, რომელიც ამაყობს, როცა აფხაზეთი-რუსეთის საზღვარზე აფხაზეთის დროშას ხედავს

0
398
საქართველო იღებს თავის წილ პასუხუსმგებლობას, მაგრამ აფხაზებმაც უნდა აიღონ პასუხისმგებლობა, რუსეთიც ფრთხილად უნდა მოიქცეს იმისთვის, რომ კონფლიქტები ამოიწუროს, – ამის შესახებ „დემოკრატიული მოძრაობის“ ლიდერმა ნინო ბურჯანაძემ რუსეთის პირველ არხზე, თოქ-შოუ ,,60 წუთში" სტუმრობისას განაცხადა.
 
პარტიის პრესსამსახურის ინფორმაციით, დებატები მას შემდეგ გამწვავდა, როდესაც ნინო ბურჯანაძე კონფლიქტების დარეგულურების საკითხს შეეხო. 
 
,,საქართველომ წააგო ისე, როგორც წააგო აფხაზეთმა. ეს იყო ორი ხალხის უდიდესი ტრაგედია და აქ გამარჯვებული არ არსებობს. საქართველო იღებს თავის წილ პასუხისმგებლობას, მაგრამ აფხაზებმაც უნდა აიღონ პასუხისმგებლობა. რუსეთიც ფრთხილად უნდა მოიქცეს იმისთვის რომ კონფლიქტები ამოიწუროს“, – განაცხადა ნინო ბურჯანაძემ. 
 
ასეთ შეფასებას ეთნიკურად აფხაზი ახრა ავიძბას გაღიზიანება მოჰყვა, რომელიც ასევე მიწვეული იყო გადაცემაში ,,60 წუთი". ახრა ავიძბამ ნინო ბურჯანაძეს განუცხადა, რომ „აფხაზეთი დამოუკიდებელი, თავისუფალი, განვითარებული სახელმწიფოა და ის ამაყობს, როდესაც აფხაზეთი-რუსეთის საზღვარზე აფხაზეთის დროშას ხედავს“. ნინო ბურჯანაძემ, თავის მხრივ, ეჭვები გამოთქვა რამდენად თავისუფალი, დამოუკიდებელი და განვითარებულია დღეს აფხაზეთი. 
 
,,თქვენ ვერ იქნებით თავისუფალი, დემოკრატიული და განვითარებული, სანამ 300 ათასი ქართველი არ დაბრუნდება აფხაზეთში“, – განუცხადა ნინო ბურჯანაძემ. 
 
ნინო ბურჯანაძე გადაცემა „60 წუთში“ მონაწილეობას გააგრძელებს და რამდენადაც ცნობილია, გადაცემაში მონაწილეობს ვლადიმერ ჟირინოვსკი..
წინა სტატიანატო-ს ხომალდების საპორტო ვიზიტი საქართველოს ტერიტორიულ წყლებში
შემდეგი სტატიაბეჟან გუნავა თბილისის პროკურატურაშია დაბარებული
ტელეკომპანია ოდიშის საინფორმაციო სამსახური