თოჯინების თეატრის უკვე ყოფილმა სამხატვრო ხელმძღვანელმა ელენე მაცხონაშვილმა პირველ არხთან მისი გათავისუფლების შემდეგ პირველი კომენტარი გააკეთა. მისი თქმით, მინისტრის განცადებას და მისი მისამართით გამოთქმულ პრეტენზიებს ამ დრომდე არ გაცნობია. მაცხონაშვილი გიორგაძის ციტატას იყენებს და ამ ყველაფერს არასერიოზულს უწოდებს. მისივე თქმით, ოთხი წლის მანძილზე მას სამინისტროსაგან არც მითითებები და არც შენიშვნა არ მიუღია, ამიტომ ახლა ეს გადაწყვეტილება მისთვის უცნაურია.„ფაქტია, რომ ჩემი შემცვლელი კანდიდატის დანიშვნა იმდენად მნიშვნელოვანია, რომ მინისტრი დასის წევრებს პირობების გაუმჯობესებას და ფინანსურ უკეთეს მდგომარეობასაც დაპირდა“,- აცხადებს ელენე მაცხონაშვილი. თოჯინების თეატრის უკვე ყოფილი სამხატვრო ხელმძღვანელი საპროტესტო აქციებს აანონსებს. პირველი აქცია დღეს საღამოს, თოჯინების თეატრის შენობასთან გაიმართება. მაცხონაშვილი მომხრეებთან ერთად კარავის გაშლას აპირებს, ხვალ კი მისი თქმით, სამინისტროსთან გადაინაცვლებს.