ამერიკაში ქართველი მხატვარი გიორგი ცინცაძე გარდაიცვალა. 42 წლის გიორგი ცინცაძე, მეგობრებმა ბრუკლინში, საკუთარ სახლში გარდაცვლილი ოთხი დღის წინ ნახეს. წინასწარი ინფორმაციით, მხატვრის გარდაცვალების მიზეზი გულის შეტევა გახდა. „ინტერპრესნიუსს" გიორგი ცინცაძის მეგობრებმა განუცხადეს, ბოლო 9 წელი ის ნიუ-იორკში ცხოვრობდა და აქტიურ შემოქმედებით ცხოვრებას ეწეოდა. ბოლო წლებში, ის სისტემატურად აწყობდა საკუთარი ნამუშევრების პერსონალურ გამოფენებს ამერიკის ცნობილ საგამოფენო დარბაზებში. გარდაცვლილს ამერიკიდან რუსთავში ხვალ ჩამოასვენებენ.