გუშინ სოჭის თავზე კატასტროფა განიცადა მცირე ზომის ვერტმფრენმა, რომელსაც ტურისტები გადაჰყავდა. ვერტმფრენი კერძო პირის საცხოვრებელი სახლის ეზოში, ერთ-ერთ დამხმარე შენობას დაეცა. ინციდენტის შედეგად ჩამოვარდნის მომენტში დაიღუპა ერთი და დაშავდა 5 ადამიანი, დღეს დილით მსხვერპლი ორამდე გაიზარდა. დასავებულები სოჭის სამედიცინო კლინიკაში არიან გადაყვანილი. ჩამოვარდნის შედეგად დაზიანდა ელექტროგადამცემი ხაზები და ავტომობილები. ბორტზე სულ 6 მგზავრი იმყოფებოდა.
წინასწარი მონაცემებით, ვერტმფრენი კომერციული მიზნით, ექსკურსიის ჩასატარებლად გამოიყენებოდა, რაც საჰაერო მოძრაობის კანონმდებლობის უხეში დარღვევაა. სოჭის ჯანდაცვის სამმართველოს პრესსამსახურის ცნობით, ბორტზე მოსკოველი ტურისტები იმყოფებოდნენ, ისინი იმერეთის დაბლობიდან კრასანაია პოლიანაში მიფრინავდნენ. გამოძიებაში ჩართული ექსპერტები ასახელებენ კატასტროფის ორ სავარაუდო მიზეზს – პილოტის შეცდომას და ვერტმფრენის ტექნიკურ გაუმართაობას.