სარფის საბაჟოზე გუშინ შუადღიდან შეფერხებულია მოქალაქეების, ავტომობილებისა და სატვირთო მანქანების თურქეთში გადასვლა, ხოლო თურქეთიდან საქართველოში მხოლოდ სატვირთო ავტომობილები შემოდიან.
მძღოლების თქმით, საცობი თურქეთის ქალაქ ხოფიდან საზვრამდეა. საქართველოს მხარემ დილიდან ჩაკეტა გამშვები პუნქტში მოქალაქეების შესვლა იქედან გამომდინარე, რომ თურქეთი ვერ იღებს მოქალაქეებს და გადასვლის მსურველები ნეიტრალური ზონის შემდეგ ვერ მიდიან.
ბათუმში თურქეთის საკონსულოს საზოგადოებასთან ურთიერთობის სამსახურში განმარტავენ, რომ შეფერხების მიზეზი პროგრამული ხარვეზებია, რის გამოც ასეთივე მდგომარეობაა შექმნილი თურქეთის ყველა სხვა გამტარ პუნქტზეც.
. საკონსულოს ინფორმაციით, გუშინ დაფიქსირდა პროგრამული ხარვეზი და მის გამოსასწორებლად სპეციალისტები მუშაობენ.
"სისტემური შეფერხებაა, რაც გუშინ საღამოს დაიწყო, ზოგჯერ ირთვება პროგრამა და ატარებენ მოქალაქეებს"- განაცხადეს საკონსულოში.