ობამამ პუტინს მოუწოდა გაიყვანოს ჯარები დონბასიდან

0
201

სააგენტო  Associated Press თეთრი სახლის ინფორმაციაზე დაყრდნობით იუწყება, რომ დიდი ოცეულის სამიტის ფარგლებში გამართულ კულუარულ შეხვედრაზე   აშშ პრეზიდენტმა  ბარაქ ობამამ რუსეთის პრეზიდენტს ვლადიმერ პუტინს მოსთხოვა შეწყვიტოს სეპარატისტთა მხარდაჭერა  და გაიყვანოს ჯარები დონბასიდან. 

რაც შეეხება შეხვედრაზე განხილულ სხვა ძირითად საკითხებს, პრეზიდენტები თანხმდებიან იმაში, რომ სირიაში დროებითი დაზავება უნდა მოხდეს და შესაბამისი მოლაპარაკებები კონფლიქტის მხარეებს შორის გაეროს ეგიდით წარიმართოს.

გარდა ამისა, თეთრი სახლი ავრცელებს ინფორმაციას, რომ ობამა მიესალმა ერთობლივ  ძალისხმევას და სოლიდარობას  ,,ისლამური სახელმწიფოს'' წინააღმდეგ ბრძოლაში  და მოუწოდა რუსეთს სწორედ ამ დაჯგუფებასთან ბრძოლაზე  მოახდინოს კონცენტრირება.

,,ინტერფაქსი" რუსეთის პრეზიდენტის თანაშემწის იური უშაკოვის ინფორმაციაზე დაყრდნობით იუწყება, რომ ობამამ და პუტინმა განიხილეს ,,ისლამურ სახელმწიფოსთან'' ბრძოლის სტარატეგიული საკითხები: კრემლის ინტერპრეტაციით, ამაში აშშ- სა და რუსეთის  სტრატეგიები ახლოსაა ერთმანეთთან, მაგრამ ტაქტიკა უწინდებურად მკვეთრად განსხვავებულია. 

აშშ პრეზიდენტმა უკრაინაზე საუბრისას კიდევ ერთხელ დაადასტურა, რომ  ცალსახად უჭერს მხარს მინსკის შეთანხმებების რეალიზაციას – მძიმე შეიარაღების გაყვანას, მძევლების განთავისუფლებას და მშვიდობის აღდგენას რუსეთსა და უკრაინას შორის საერთაშორისო საზღვარზე – აცხადებს თეთრი სახლის წარმომადგენელი. 

შეგახსენებთ, გუშინ ანტალიაში მიმდინარე დიდი ოცეულის სამიტის კულუარებში გამართულმა შეხვედრამ აშშ და რუსეთის ფედერაციის პრეზიდენტებს შორის დაახლოებით ნახევარი საათი გასტანა. ადრე  გავრცელებული ცნობით, მათი შეხვედრა დიდი ოცეულის სამიტის ფარგლებში არ იგეგმებოდა 

 

 

 

 

 

 

 

კომენტარის დატოვება

Please enter your comment!
Please enter your name here