წუხელ, 21:00 საათიდან დღეს დილის 09:00 საათამდე მტაცებლის შესახებ 112-ზე 30 შეტყობინება შევიდა. ყველა შემთხვევაში ადგილზე გავიდნენ შესაბამისი სამსახურები, თუმცა თუმცა არც ერთი შეტყობინება არ დადასტურდა.
დღეს 11 საათზე შემოსული ზარის თანახმად, გორის რაიონის სოფელ ზემო რეხში ადგილობრივებმა მტაცებელი შენიშნეს. თვითმხილველები – შუახნის ქალი და მამაკაცი ამბობენ, მას მაშინ მოჰკრეს თვალი, დაინახეს, როცა საძოვარზე გაშვებულ საქონელს უახლოვდებოდა, თუმცა დანამდვილებით ვერ ამბობენ, რომ ეს ვეფხვი იყო. საქონელი დაფრთხა. სოფლის გამგებლის თქმით, თვითმხილველთა მიერ მინიშნებულ ადგილზე დიდი ზომის მტაცებლის ნაფეხურებიც შეინიშნება.
სხვა ვერსიით, ცხოველი საძოვარზე კი არა ქალმა შენიშნა საკუთარ ეზოში, სადაც შინაური პირუტყვი ჰყავდა დაბმული. ცხოველმა პომიდვრების ნარგავში გაიარა და ნაკვალევი დატოვა, რადგან წუხელ გორში წვიმდა და მიწა სველია.
ცხოველი სხვა მამაკაცმაც შენიშნა, რომელიც ირწმუნება, რომ ეს ლომი იყო.
ამ დროისთვის ადგილზე სპეცდანიშნულების რაზმი და სხვა შესაბამისი სამსახურების წარმომადგენლები არიან გასულნი და მტაცებელს ეძებენ