აფხაზეთში მოსულმა ძლიერმა წვიმამ და ქარიშხალმა   სოფელ ოთხარას საკალმახე მეურნეობა გაანადგურა, ექვსიდან ოთხი აუზი მთიდან ჩამოწოლილმა მეწყერმა წალეკა. 

 

ოთხარას საკალმახე მეურნეობა 1934 წელს შეიქმნა, სტალინის ბრძანებით, ეს ადგილი შეირჩა იმ ნიშნით, რომ წყალი მდინარე მჭიშთაში ანკარაა და  ცივი – ზედმიწევნით ხელსაყრელი  კალმახის მოშენებისთვის.

 

 

,,მას შემდეგ, რაც ეს მეურნეობა შეიქმნა თევზის მასობრივი ამოწყვეტის ერთი შემთხვევაც კი არ ყოფილა, ახლა ჩვენს ისტორიაში შავი ფურცელი გადაიშალა – აცხადებს სატბორე მეურნეობის დირექტორი ზაურ ენიკი ,,სპუტნიკ აბხაზიასთან'' საუბარში. 

მეურნეობა განლაგებულია კილომეტრნახევარში მთიდან,  სადაც მჭიშთა იღებს სათავეს,  მდინარიდან აუზებამდე ბეტონის არხია გაყვანილი. 

 

 

30 აგვისტოს დილის ხუთ საათზე  ოთხარაში კოკისპირულმა წვიმამ მეწყერი დაძრა, მეწყერმა მიწითა და ქვებით ამოავსო არხი, საიდანაც რეზერვუარებში სუფთა წყალი ჩაედინებოდა. მეურნეობის თანამშრომლები იმავე წუთს შეუდგნენ სადინარის გაწმენდას, მაგრამ ვერაფერი მოასწრეს – ნახევარ საათში კალმახი მასობრივად გაწყდა ჟანგბადის ნაკლებობის გამო.

 

 კალმახი, სხვა თევზებისგან განსხვავებით,  20 – 30 წუთზე მეტს ვერ ძლებს ახალი, გამდინარე წყლის გარეშე , ექვსი აუზიდან ოთხში თევზი აღარ დარჩა, ერთში ლიფსიტები გადაგვირჩა, მეორეში მსხვილი კალმახი, თუმცა მათი რაოდენობა არარის დიდი, იქ სხვა ჯიშის თევზებიც გვყავდა, ძირითადად ისინი გადარჩნენ.  ჯამში 500 ტონაზე მეტი კალმახი დაგვეღუპა, ახლა  70 ტონა თევზიღა  დაგვრჩა, მათ შორის კალმახი ძალიან ცოტაა

 

კალმახის პოპულაციის აღდგენას სამი წელი მაინც დასჭირდება. არადა ამ საკალმახე მეურნეობას სხვა დანიშნულებაც ჰქონდა – ეს აფხაზეთის სერთერთი სავიზიტო ბარათი იყო, აქ განუწყვეტლივ სტუმრობდნენ ტურისტები. '' – ამბობს ზაურ ენიკი.