ზუგდიდის რეფერალური საავადმყოფოს მეოთხე სართულიდან 3 წლის ბავშვი გადავარდა.
პირველი არხის ჟურნალისტის ცნობით, .მცირეწლოვნის ჯანმრთელობის მდგომარეობა მძიმეა. ამ წუთებში მას კომპიუტერული დიაგნოსტიკა უტარდება. ბავშვს ქვედა კიდურების მრავლობითი მოტეხილობა აღენიშნება.
შემთხვევა დღეს დილით, 11 საათზე მოხდა. ექიმების თქმით, მცირეწლოვანს დღესვე თბილისში გადაიყვანენ.
.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 124-ე მუხლით მიმდინარეობს, რაც ჯანმრთელობის ნაკლებად მძიმე ან მძიმე დაზიანებას გაუფრთხილებლობით გულისხმობს.
,,ოდიში ნიუსის'' ჟურნალისტი გასულია შემთხვევის ადგილზე და მომხდარის გარემოებებს არკვევს.
როგორც იგი იუწყება, ბავშვი კლინიკის პაციენტი იყო და პალატაში დედასთან ერთად იმყოფებოდა. შემთხვევის დროს , ის ბავშვს საჭმელს უმზადებდა.
სამი წლის გაბრიელ ლუკავას მდგომარეობა მძიმეა. მას მრავლობით მოტეხილობებთან ერთად თავის ქალის ტრავმა აღენიშნება და ქირურგიული ჩარევა ესაჭიროება. .