კომპანია “ნესტლემ” დაიწყო შიდა გამოძიება, როგორ ხვდებოდა მათი რეკლამა სანქცირებული ტელე “იმედის” ეთერში – ინფორმაციას ბრიტანული ბიზნეს-გამოცემა City A.M. ავრცელებს.

გამოცემის ცნობით, Nestle კომერციულ ურთიერთობას ინარჩუნებდა ქართულ მედიაკომპანია ტელეკომპანია „იმედთან“ მას შემდეგაც, რაც გაერთიანებული სამეფოს მთავრობამ ტელევიზიას სანქციები დააკისრა.

„გვინდა დაგარწმუნოთ, რომ Nestlé იცავს ყველა მოქმედ კანონს და საერთაშორისო სანქციას, და ეს მოიცავს ჩვენს საქმიანობას საქართველოშიც.“ – ამბობს Nestle-ს სპიკერი გამოცემის თანახმად.

შეგახსენებთ, უკრაინაში რუსეთის სრულმასშტაბიანი შეჭრის მეოთხე წლისთავზე, დიდი ბრიტანეთის მთავრობამ ფინანსური სანქციები დაუწესა საქართველოში მოქმედ ორ სამთავრობო ტელევიზიას, „ტელეიმედსა“ და „პოსტივის“.

დიდი ბრიტანეთი აცხადებს, რომ ორივე ტელევიზია ჩართულია რუსული დეზინფორმაციის გავრცელებაში.