ლაშა ტალახაძე ზედიზედ მეხუთედ გახდა მსოფლიოს ჩემპიონი. ქართველმა ძალოსანმა ორჭდის ჯამში 492 კილოგრამი აზიდა და მეორე ადგილზე გასულ სომეხ სპორტსმენს, ვარაზდატ ლალაიანს 35 კილოგრამით აჯობა.

პირველ მოძრაობაში ტალახაძემ ჯერ 210 და 218 კილოგრამები აიტიაცა, მესამე ცდაზე კი 225 კილოგრამი ასწია და ტოკიოს ოლიმპიადაზე დამყარებული თავისივე მსოფლიო რეკორდი 2 კილოგრამით გააუმჯობესა. 

აკვრა ქართველმა სპორტსმენმა მსოფლიოს კიდევ ერთი რეკორდით – 267 კილოგრამით დაასრულა. ტალახაძემ ორჭიდის ჯამში 492 კილოგრამი აზიდა, რაც ასევე ახალი მსოფლიო რეკორდია.

ამ დროისთვის 28 წლის სპორტსმენი მსოფლიოს ხუთგზის და ოლიმპიური თამაშების ორგზის ჩემპიონია.