ზუგდიდში, ქორეოგრაფიული საზოგადოების წევრებმა 10 მაისს, ქობულეთში, სასტუმრო არმაზში გაჩენილი ხანძრის შედეგად გარდაცვლილი 3 მცირეწლოვანი ბავშვის ხსოვნას პატივი მიაგეს. ქორეოგრაფიული საზოგადოების წევრებმა დაღუპული ბავშვების სახელები სანთლებით გამოსახეს, პანტომიმის თეატრის მსახიობმა კი სპეციალური ნომერი მიუძღვნა დაღუპული ბავშვების ხსოვნას. ქორეოგრაფ თამაზ მოსიას განცხადებით, არამარტო ანსამბლის, არამედ მთელი საქართველოს დანაკლისია ანასამბლ „სიხარულის“ ახალგაზრდა წევრების დაღუპვა.მოგვიანებით, კულტურის სფეროს წარმომადგენლებმა ვლაქერნის ღვთისმშობლის საკათედრო ტაძარში გადაინაცვლეს, სადაც მამა დეკანოზმა მალხაზ ჭანტურიამ მოზარდების სულის მოსახლენებელი პარაკლისი გადაიხადა.10  მაისს გამთენიისას, ქობულეთში, სასტუმრო არმაზში ცეცხლი გაჩნდა. შემთხვევის დროს სასტუმროში ანსამბლ სიხარულის ახალგაზრდა მოცეკვავეები იმყოფებოდნენ. საწუხაროდ, შემთხვევას 3 მცირეწლოვანი ბავშვის დაღუპვა მოჰყვა. ხანძრის გამომწვევი მიზეზები უცნობია. გამოძიება ამ დრომდე მიმდინარეობს.