ანაკლიის პორტთან ამერიკული კომპანიის თანამშრომლობა კიდევ ერთხელ ადასტურებს ამერიკული ბიზნესის მზარდ ინტერესს და ჩვენი ქვეყნის რეგიონულ ჰაბად გარდაქმნის დიდ პოტენციალს, – ამის შესახებ საქართველოს პრემიერ- მინისტრმა გიორგი კვირიკაშვილმა ამერიკის შეერთებული შტატების ვიცე- პრეზიდენტ მაიკ პენსთან ერთად გამართულ პრესკონფერენციაზე განაცხადა.
„კონტი ჯგუფის“ ანაკლიის ღრმაწყლოვანი პორტის კონსორციუმში ჩათვასთან ერთად მივესალმებით თანამშრომლობის დოკუმენტის გაფორმებას ანაკლიის პორტის კონსორციუმსა და ამერიკულ, მსოფლიოში ერთ-ერთ ლიდერ კომპანია SSA Marine-ს შორის, რომლის მიხედვითაც ეს კომპანია ოპერირებას გაუწევს საკონტეინერო ტერმინალს და ასევე განახორციელებს ინვესტიციას პროექტში, რომელიც გახლავთ დღევანდელობის ყველაზე მნიშვნელოვანი პროექტი საქართველოში“, – განაცხადა გიორგი კვირიკაშვილმა.
აშშ-ის ვიცეპრეზიდენტისა და საქართველოს პრემიერმინისტრის ერთობლივი ბრიფინგისა და ჟურნალისტების კითხვებზე პასუხების გაცემის შემდეგ ხელი მოეწერა ანაკლიის პორტის კონსორციუმს, ურთიერთშეთანხმების მემორანდუმს ქართულ და ამერიკულ მხარეს შორის