ზუგდიდი-ანაკლიას ცენტრალურ გზაზე, საკუთარი სახლის ჭიშკართან ერთ-ერთმა მოსახლემ იარაღი და 15 ვაზნა აღმოაჩინა. მისი თქმით იარაღი თავდაპირველად ბავშვებმა იპოვეს, შემდეგ კი მას შეატყობინეს. ადგილზე გამოძახებული იქნა პოლიციაც. ადგილობრივების განცხადებით შესაძლოა აღნიშნული იარაღი სამართალდამცავებს ეკუთვნოდეთ, რადგან მსგავსი ტიპის იარაღი არის პოლიციის შეიარაღებაშიც, თუმცა უცნობია, რა ვითარებაში შეიძლებოდა აღმოჩენილიყო სამართალდამცავის იარაღი ადგილობრივი მოსახლის სახლთან. როგორც შინაგან საქმეთა სამინისტროს პრესსამსახურში აცხადებენ, აღნიშნულ ფაქტზე გამოძიება 236-ე მუხლით მიმდინარეობს, დეტალებს კი გამოძიება დაადგენს.