ძლიერი წვიმების შემდეგ, მტკვარმა თბილისის ტერიტორიაზე დიდი ოდენობით ნაგავი ჩამოიტანა, რომლის ამსახველი ვიდეო და ფოტო კადრები სოცილურ ქსელსა და ინტერნეტმედიასი, მათ შორის ,,ოდიში ნიუსზეც'' გავრცელდა.
თბილისის მერიაში აცხადებენ, რომ მტკვრის ნაგვისგან გაწმენდა მათი ვალდებულება არ არის.
"ამ შემთხვევაში თბილისის მერია, სავარაუდოდ, აღარ დაასუფთავებს და ვერ გეტყვით, ვისი კომპეტენციაა ეს" – აცხადებენ მერიაში On.ge -თან საუბრაში და განმარტავენ, რომ გაზაფხულზე, წვიმების სეზონზე, მერიამ "თავისი კეთილი ნებით", თბილსერვის ჯგუფის დახმარებით გაწმინდა მტკვრის კალაპოტი, თუმცა როგორც ამბობენ, ეს მათი ვალი არ იყო.
თბილისის მერიის მსგავსად, გარემოს დაცვის სამინისტროც აცხადებს, რომ მტკვრის გაწმენდა მათი ვალდებულება არაა. სამინისტროში უთხრეს, რომ მათი ვალდებულება ნარჩენების მართვის პოლიტიკის შემუშავებაა და არა – ნარჩენების მართვა.
უწყების განმარტებით, სამინისტროს სსიპ გარემოს ეროვნული სააგენტო კი, სპეციალური სინჯით განსაზღვრავს მხოლოდ მდინარის დაბინძურების ხარისხს.