ქუთაისში, მერიის შენობის წინ, „ერთიანი ნაციონალური მოძრაობის“ მხარდამჭერების საპროტესტო აქცია გრძელდება. უკვე მესამე დღეა ადგილზე სამი ადამიანი შიმშილობს. დღეს დილით კი მოშიმშილეებს კიდდევ ორი ადამიანი შეუერთდა. აქციის მონაწილეები აცხადებენ, რომ დღეს, ქუთაისის საქალაქო სასამართლო განიხილავს იმ სამი პირის საქმეს, რომლებიც პარლამენტის შენობასთან 3 ოქტომბერს, "რუსთავი 2"-ის მხარდამჭერ აქციაზე დააკავეს. მათივე თქმით, თუ სასამართლო მათ პატიმრობას შეუფარდებს, ისინი უვადო შიმშილობას გააგრძელებენ. დაკავებულებს ბრალად ედებათ უმრავლესობის დეპუტატ დავით ლორქთიფანიძესთვის ფიზიკური შეურაცხყოფის მიყენება. ქუთაისში მოშიმშილეების მხარდასაჭერად დღეს დილით ზუგდიდიდან ერთიანი ნაციონალური მოძრაობის ზუგდიდის ორგანიზაციის ლიდერები, პარტიის წევრები და მხარდამჭერებიც გაემგზავრნენ.