ოლიმპიური ჩემპიონის ზურაბ ზვიადაურის ძმა ზვიადი და მისი ორი მეგობარი, მზვიად ზვიადაურის მანქანაში ჩაცხრილეს, შემდეგ კი მანქანა თელავის რეფერალური ჰოსპიტლის ეზოში დატოვეს. მანქანაში მყოფი სამივე პირი გარდაცვლილი აღმოჩნდა, ხოლო პასუხი შეკითხვაზე, ვინ შეიყვანა ცხედრებით სავსე ავტომანქანა ჰოსპიტლის ეზოში, ჯერაც არ არის გაცემული.
ერთი ვერსიით, ავტომანქანას შიგ მყოფი სამი პირიდან ერთ-ერთი მართავდა მანამ, სანამ არ გარდაიცვალა, თუმცა, იმასაც ამბობენ, რომ მანქანა ეზოში კონფლიქტის მონაწილე მეორე მხარემ დატოვა.
“მთავარი არხის” ინფორმაციით, გარდაცვლილებს მიყენებული აქვთ ჭრილობები როგორც ცეცხლსასროლი იარაღიდან, ასევე მჭრელი საგნებიდან, თუმცა, მედპერსონალი ამაზე, ჯერჯერობით, არ საუბრობს.
ცნობილია გარდაცვლილთა ვინაობაც: ზვიად ზვიადაური, ალიკა ცოცხალაშვილი, იკა კენჭოშვილი. როგორც ცნობილი ხდება, ურთიერთშელაპარაკება საკმაოდ ხალხმრავალ ადგილას დაიწყო, ხოლო შემდეგ წინანდლის ტყეში გადაინაცვლა. ორივე მხარემ ცეცხლსასროლი იარაღი გამოიყენა. ერთ-ერთი ვერსიით, ზვიადაურების მოწინააღმდეგე ბანაკიდანაც ორი პირია დაჭრლი, თუმცა, მათი ვინაობა ცნობილი არ არის.