ოლიმპიურ ჩემპიონს ლაშა ბექაურს ბინა აჩუქეს. გადაწყვეტილება სეუ-ს რექტორატმა მიიღო და ამის შესახებ ფეისბუქის გვერდზე დაწერა:
“სეუ-ს რექტორის, ბატონი გია კავთელიშვილის გადაწყვეტილებით, SEU-ს სტუდენტს და ახლა უკვე ოლიმპიურ ჩემპიონს, ლაშა ბექაურს საჩუქრად გადასცემს “სეუ დეველოპმენტის” დასრულებულ კომპლექსში საბურთალოზე, პოლიტკოვსკაიას (ჯიქიას) ქუჩაზე, 100 კვ.მ. ბინას.
დიდი მადლობა ლაშას თავდადებული ბრძოლისთვის!
ვამაყობთ და გვიხარია, რომ ის ჩვენი უნივერსიტეტის სტუდენტია,” – აღნიშნულია განცხადებაში, რომელსაც “სეუ” “ფეისბუკ” გვერდზე აქვეყნებს.
შეგახსენებთ, ლაშა ბექაურმა ოლიმპიური ოქროს მედალი გუშინ მოიპოვა.