თეირანის ქუჩები საპროტესტო აქციებმა მოიცვა, დემონსტრანტები ღიად გამოხატავენ უკმაყოფილებას ქვეყნის ისლამური მმართველობის მიმართ და სკანდირებენ ლოზუნგს “სიკვდილი დიქტატორს”.
აქცია თეირანში გაიმართა 26 ივლისის დილას, ქალაქის ცენტრში, ჯომჰური ისლამის პროსპექტზე. დემონსტრანტებმა სოლიდარობა გამოუცხადეს ირანის სხვა ქალაქებში 15 ივლისიდან მიმდინარე აქციების მონაწილეებს.
თეირანში გადაღებულ ერთ-ერთ ვიდეოში დემონსტრანტები უკმაყოფილებას გამოთქვამენ ისლამის კონსერვატორი სასულიერო პირების მისამართით, რომლებიც ირანში პოლიტიკურ ცხოვრებას აკონტროლებენ. დემონსტრანტები სკანდირებენ: “ქვემეხები, ტანკები, ავტომატები, მოლები უნდა წავიდნენ”. სხვა ვიდეოში ახალგაზრდა დემონსტრანტები ამბობენ სიტყვებს “სირცხვილი ხამენეის, შენს ქვეყანას” და “გაგვიშვით!” – რითიც მხედველობაში ჰყავთ ირანის უზენაესი ლიდერი, აიათოლა ალი ხამენეი.წყლის მიწოდების შეფერხების და გაუარესებული ეკონომიკური ვითარების წინააღმდეგ ირანში მიმდინარე რადიო თავისუფლების ირანული სამსახური ციტირებს რამდენიმე ვიდეოჩანაწერს და სოციალური მედიით გავრცელებულ ტექსტს, რომლებიც მოწმობს, რომგაიმართა 26 ივლისის დილას, თეირანის ცენტრში, ჯომჰური ისლამის პროსპექტზე.
ყველაფერი დაიწყო ხუზისტანის პროვინციაში უწყლობის გამო გამართული დიდი საპროტესტო გამოსვლებით, ხუზისტანის პროვინციაში, სადაც არაბთა დიდი ეთნიკური ჯგუფი ცხოვრობს, ათობით ქალაქში დემონსტრაციები 15 ივლისს დაიწყო. 22 ივლისს გავრცელდა კადრები, რომლებშიც პროტესტები ლურისტანის პროვინციაში, ასევე ქალაქ ბუშირსა და ისპაჰანში მიმდინარეობდა. ამ დროსათვის აქციებს მინიმუმ ხუთი ადამიანი ემსხვერპლა – მთავრობის წარმომადგენლების თქმით, მოკლულია 1 პოლიციელი და 2 დემონსტრანტი.~
“ნუ გავახარებთ მტრებს. ნუ გამოვაყენებინებთ ირანის მოწინააღმდეგეებს ამ პროტესტებს საკუთარი თავის სასიკეთოდ” – თქვა ირანის ამჟამინდელმა პრეზიდენტმა, ჰასან რუჰანიმ საპროტესტო აქციებთან დაკავშირებით. მისი თქმით, მთავრობის წარმომადგენლები უწყლობის პრობლემაზე მუშაობენ.
ირანში ბოლო 50 წლის განმავლობაში გაჩენილმა ყველაზე ძლიერმა გვალვამ გააუარესა წყლის მართვის ისედაც პრობლემური სისტემა. ჰიდროელექტროსადგურებზე შემცირდა წარმოება, რამაც ირანის ნაწილებში ელექტროენერგიის დეფიციტი შექმნა.