,,მთავარი არხის” ეთერში გადაცემაში “მთავარი აქცენტები” ოპოზიციის თბილისის მერობის კანდიდატმა ნიკა მელიამ, მისი, როგორც თბილისის მერის 3 მთავარი პრიორიტეტი ჩამოთვალა:
“ჩემთვის ძალიან მნიშვნელოვანი პრობლემა, რასაც მუდმივად ვაწყდებით არის, ის, რომ მერია, მუნიციპალური გამგეობები არის არა ხალხის საკუთრება, არამედ პარტიული ინსტიტუციები, ეს პრობლემა არის ერთხელ და სამუდამოდ გადასაწყვეტი. ეს პრობლემა მუდამაა, საბჭოთა კავშირიდან მოყოლებული.
მეორე, დედაქალაქის ბიუჯეტი არის მილიარდ 200 მილიონი ლარი, წარმოიდგინეთ, დედაქალაქში არის 10 გამგეობა, 10-ვე გამგეობას ამ თანხიდან გამოყოფილი აქვს მხოლოდ, 200 მილიონი ლარი ხარჯვითი ნაწილისთვის. დანარჩენი თანხა არის აკუმულირებული დედაქალაქის მერიაში და გამგეობები გადაქცეიული აქვთ პარტიულ ორგანიზაციებად.
მესამე, დედაქალაქის მერიაში დაახლოებით 24 000 ადამიანია დასაქმებული. გარდა ამისა, ფეხით მოსიარულეთა მიმართ უნდა მოხდეს ორიენტირება, ეკოლოგიური კატასტროფს წინაშე დგას დედაქალაქი”, – თქმა მელიამ.