ზუგდიდში ცეცხლსასროლი იარაღით დაჭრილი ახალგაზრდა მამაკაცის მდგომარეობა მძიმეა. ქირურგიული ოპერაცია ზუგდიდი რეფერალურ ჰოსპიტალში რამდენიმე წუთის წინ დასრულდა. ექიმების ინფორმაციით, მისი მდგომარეობა კრიტიკულია.
“ცეცხლსასროლი იარაღით მიყენებული აქვს ჭრილობა მარჯვენა საზარდულის არეში. შარდის ბუშტის ირგვლივ დიდი ზომის ჰემატომა. მუცლის ღრუს სანაცია- დრენირების შემდგომი პერიოდი.
ამჟამად იმყოფება კრიტიკული მედიცინის განყოფილებაში,მართვით სუნთქვაზე”- განაცხადა საავადმყოფოს კლინიკურმა დირექტორმა სულხან ორჟონიამ.
ზუგდიდში ცეცხლსასროლი იარაღით მამაკაცი მოკლეს. შემთხვევა ტოლსტოის ქუჩაზე მოხდა. სისხლიან დაპირისპირებას მამა-შვილის დაჭრა მოყვა, გარდაცვლილია მამა, ხოლო შვილი გადაყვანილია კლინიკაში. შემთხვევას წინ ურთიერთშელაპარაკება უძღოდა, ბიზნესმენ ზაურ კვიკვინიასა და მამა-შვილ ლაგვილავებს შორის სავარაუდოდ დავა ბიზნესწილებს უკავშირდება. კვიკვიიამ დანაშაულის ადგილიდან მიმალვა სცადა, თუმცა ის პოლიციამ ცხელ კვალზე დააკავა. დანაშაულის ჩადენის იარაღი – ორი ცალი პისტოლეტი ამოღებულია ნივთმტკიცების სახით. გამოძიება ორი, ან მეტი პირის მიმართ ჩადენილ განზრახ მკვლელობის მცდელობის და განზრახ მკვლელობის ფაქტებზე მიმდინარეობს, საქართველოს სისხლის სამართლის კოდექსის 108-ე და 19-109-ე მუხლებით. დანაშაული 11-დან 14 წლამდე ვადით თავისუფლების აღკვეთას ითვალისწინებს.