დაშვებული კამერები და მიკროფონები, შავი ლენტები, ფოტოები და წარწერები #ლექsosთვის – ამ ფორმით გააცილეს უკანასკნელ გზაზე ტვ პირველის ოპერატორი ლექსო ლაშქარავა სამეგრელოს მედიის წარმომადგენლებმა.

მდუმარე აქციის პარალელურად რეგიონულმა არხებმა მაუწყებლობა ზუსტად 15:00 საათზე გათიშეს ეკრანზე წარწერით #ლექsosთვის.
ლექსო ლაშქარავა დღეს თბილისში დაკრძალეს, ოპერატორებმა გარდაცვლილ კოლეგას “კამერების კორიდორი” მოუწყვეს და ტაშით დაემშვიდობნენ. ტელეკომპანია “პირველის” ოპერატორი ლექსო ლაშქარავა, რომელიც 5 ივლისს სიძულვილის ჯგუფების მიერ “სირცხვილიას” ოფისის დარბევისას მათგან ძალადობის მსხვერპლი გახდა, 11 ივლისს გარდაიცვალა . “ერთად ლექსოსთვის, არა ძალადობას” – ამ ლოზუნგით მედიის წარმომადგენლები ყოველდღიურად ატარებენ აქციებს და მოითხოვენ მთავრობის გადადგომას და ყველა იმ პირის უმკაცრესად დასჯას, ვინც 5 ივლისის პროცესებში მონაწილეობდა