წუხელ, ანაკლიაში მეთევზეებმა გარდაცვლილი საპატრულო პოლიციის თანამშრომლის გვამი აღმოაჩინეს. არსებული ინფორმაციით, მან თავი მოიკლა, ჭრილობა თავის არეში ცეცხლსასროლი იარაღით აქვს მიყენებული. შსს ინფორმაციით, გარდაცვლილი 32 წლის გიორგი სოსელიაა. ის ზუგდიდის საპატრულო პოლიციის ასმეთაურად მუშაობდა. გვიან ღამემდე შემთხვევის ადგილზე პოლიცია და ექსპერტ-კრიმინალისტები მუშაობდნენ. ადგილზე ნაპოვნია ცეცხლსასროლი იარაღი, რომლიდანაც სავარაუდოდ თვითმკვლელობა მოხდა და გარდაცვლილის კუთვნილი ოპელის მარკის ავტომანქანა. შსს ინფორმაციით, მომხდარ ფაქზე საქმე 115 -ე მუხლით არის აღძრული, რაც თვითმკვლელობამდე მიყვანას გულისხმობს.