3 ივნისის ვაჭრობის შედეგად, ლარი დოლართან მიმართებით 7 თეთრით გამყარდა და ერთი დოლარის ღირებულება 3,1524 ლარი გახდა — ეროვნული ვალუტა ამაზე მეტად გამყარებული ბოლოს 2020 წლის სექტემბერში იყო.

ევროსთან მიმართებით კი, ეროვნული ვალუტა 8,13 თეთრით გამყარდა და ერთი ევრო 3,8425 ლარს გაუტოლდა.

შეგახსენებთ, რომ ლარის კურსის მერყეობის შესამცირებლად, საქართველოს ეროვნულმა ბანკმა მიმდინარე წელს შვიდი სავალუტო ინტერვენცია განახორციელა და ჯამურად 242,9 მლნ დოლარი გაყიდა. მათ შორის, ბოლო სავალუტო აუქციონი 22 აპრილს შედგა, სადაც ეროვნულმა ბანკმა 30 მილიონი დოლარი გაყიდა.

სებ-ის მიერ დღეს დადგენილი გაცვლითი კურსი დღეს, 4 ივნისს შევიდა ძალაში