მეცნიერებმა პირველად შეძლეს და ლაბორატორიაში მინიატურული გული შექმნეს, რომელიც მუშაობს. მინიატურული ორგანოები ზომით არ აღემატება სეზამის თესლს და წარმოქმნილია მრავალფეროვანი ღეროვანი უჯრედების გამოყენებით. -ინფორმაციას ამის შესახებ Science Magazine-იზე სააგენტო ონ გე ავრცელებს
გულის თანდაყოლილი დეფექტები ყველაზე გავრცელებული დაავადებაა, რაც ბავშვს შეიძლება ჰქონდეს. ეს ნიშნავს, რომ გულის შესწავლა აუცილებელია და გვჭირდება პლატფორმა, რაც მისი გამოკვლევის საშუალებას მოგვცემს. სწორედ ამისთვის მუშაობენ მკვლევრები, რომლებმაც სულ ცოტა ხნის წინ მინიატურული გულები შექმნეს.
მეცნიერების მიზანი სამი ქსოვილის ფენის შექმნა იყო, რომლებიც გულის პალატის კედლებს აყალიბებს. ეს გულის ჩამოყალიბების ერთ-ერთი პირველი ეტაპია. ორგანოიდები ზომით 2 მმ-ია და მათ სამი თვის განმავლობაში შეუძლიათ არსებობა, ხოლო გაზრდას ერთი კვირა სჭირდება. ის წუთში დაახლოებით 60-დან 100-მდე სცემს, ისევე როგორც 25 დღის ემბრიონის გული.
ეს მინიატურული გული ნამდვილად დიდი მიღწევაა და მეცნიერებს ახალი ექსპერიმენტების ჩატარების საშუალებას მისცემთ, რაც საბოლოოდ სრულფასოვანი ხელოვნური გულის შექმნის საწინდარი იქნება.