,,ნუ კლავ ანაკლიას”, ,,ანაკლია- ხიდი აფხაზეთთან”, ,,დაძარი ანაკლია”, ამ ტრანსფარანტებით „ლელო ზუგდიდის“ რეგიონული ოფისის ახალგაზრდული ფრთის წარმომადგენლებმა ანაკლია-განმუხურის ხიდთან სიმბოლური აქცია – მსვლელობა გამართეს. აქციის მონაწილეების თქმით, საქართველო დღეს ზეიმობს დამოუკიდებლობის დღეს, თუმცა ქვეყნის განვითარებისთვის აუცილებელია ეკონომიკური დამოუკიდებლობა. მათივე თქმით, დღევანდელი პროტესტი დიდ მასშტაბებს მიიღებს და ხელისუფლება ვალდებული იქნება ანაკლიის პორტის მშენებლობისთვის ქმედითი ნაბიჯები გადადგას.
დღესვე, საქართველოს დამოუკიდებლობის დღეს „ლელოს“ ზუგდიდის ორგანიზაციის წევრებმა საქართველოს პირველი პრეზიდენტის ზვიად გამსახურდიას და ეროვნული გმირის მერაბ კოსტავას ძეგლების ყვავილებით შეამკეს. მოგვიანებით ახალგაზრდებთან სასტუმრო „ანაკლიას“ საკონფერენციო დარბაზში გაიმართა შეხვედრა – დისკუსია თემაზე „დამოუკიდებელი საქართველო XXI საუკუნეში“.