ზუგდიდის მუნიციპალიტეტის გამგებელმა, რომელიც საარჩევნო სიის მიხედვით, პარლამენტში დავით საგანელიძის ადგილმონაცვლეა, დეპუტატობაზე უარი განაცხადა. ამის შესახებ ცოტა ხნის წინ, ედიშერ თოლორაიამ ჟურნალისტებს განუცხადა. მისი თქმით, ის არჩეულია ხალხის მიერ და აპირებს წამოწყებული პროექტები გამგებლის რანგში განახორციელოს. „მე პატივს ვცემ თითოეულ ზუგდიდელს, თითოეულ ჩემს ამომრჩეველს, რომელმაც 2014 წლის თვითმმართველობის არჩევნებში ნდობა გამომიცხადა და ვრჩები ზუგდიდის მუნიციპალიტეტის გამგებლად. ბევრი პროექტებია დაწყებული და ჩემი გამგებლობის პერიოდში დანაპირების შესრულებას ვაპირებ“ -განაცხადა ზუგდიდის მუნიციპალიტეტის გამგებელმა ედიშერ თოლორაიამ.
შეგახსენებთ, რომ დავით საგანელიძის საპარტნიორო ფონდის თავმჯდომარედ დანიშვნის შემდეგ მისი ადგილი პარლამენტში საარჩევნო სიის მიხედვით ზუგდიდის მუნიციპალიტეტის გამგებელს უნდა დაეკავებინა. ედიშერ თოლორაიას უარის შემდეგ დავით საგანელიძეს პარლამენტში ვლადიმერ აჩმა შეცვლის, თუმცა მანამდე ადგილომაცვლეობის საკითხი ჯერ ცესკო -მ უნდა განიხილოს და კანდიდატურა შემდეგ უნდა წარუდგინოს პარლამენტს.