წალენჯიხის მუნიციპალიტეტის სოფელ ფახულანის პირველი საჯარო სკოლის კურსდამთავრებულები ავარიაში სოფელ ლიაში მოყვნენ.
ოთხი დაშავებული ახალგაზრდა ზუგდიდის რეფერალურ საავადმყოფოში გადაიყვანეს, მათი მდგომარეობა სტაბილურად მძიმეა.”ავტოსაგზაო შემთხვევის შედეგად შემოყვანილ იქნა ოთხი ახალგაზრდა. ერთს აღენიშნება ბარძაყის ძვლის მოტეხილობა ცდომით, მეორეს წელის მეხუთე მალის მოტეხილობა, მესამეს სხივის ძვლის მოტეხილობა. ოთხივესთან ვლინდება მრავლობითი ზედაპირული ტრავმები და ექსკორიაციები. იმყოფებიან გადაუდებელი მედიცინის განყოფილებაში, უტარდებათ კვლევები და მკურნალობა”- აცხადებს ექიმი.
მომხდართან დაკავშირებით მიმდინარეობს გამოძიება.