გადაცემები ჯანმრთელობის მსოფლიო ორგანიზაციის საქართველოს ოფისის, ევროკავშირისა და დაავადებათა კონტროლისა და საზოგადოებრივი ჯანმრთელობის ეროვნული ცენტრის მხარდაჭერით მზადდება. მეოთხე გადაცემის თემაა: როგორ შეაფერხა პანდემიამ ქვეყნის ეკონომიკური განვთარება და როგორ იმოქმედა პანდემიის გამო შეცვლილმა რეალობამ ადამიანების ყოველდღიურობაზე. პანდემიამ 2020 წელი და 2021 წლის პირველი ნახევარიც, ჯანდაცვასთან დაკავშირებული გამოწვევების გარდა, ეკონომიკური თვალსაზრისითაც მძიმე წლად აქცია. 2 ლოქდაუნის გამო ქვეყანამ დაახლოებით მილიარდი ლარი დაკარგა. ლოქდაუნის დროს ქვეყანა დღეში 16 მილიონ ლარს კარგავდა. ამ რიცხვების უკან დგას ათასობით უმუშევრად დარჩენილი ან შემოსავალშემცირებული ოჯახი. გადაცემის სტუმარია  არასამთავრობო ორგანიზაციის “საზოგადოება და ბანკები” დამფუძნებელი გიორგი კეპულაძე.