კახიშვილი, შოთაძე თუ შავაძე – ვინ გახდება ახალი მთავარი პროკურორი? მედიაში უკვე ვრცელდება, რომ შესაძლოა დასახელებული სამი კანდიდატიდან სწორედ ერთ-ერთმა შეცვალოს გიორგი ბადაშვილი და გახდეს საქართველოს მთავარი პროკურორი. გარვცელებული ინფორმაციით, აღნიშნულ თანამებობაზე შესაძლოა სასჯელაღსრულებისა ამჟამინდელი მინისტრი კახი კახიშვილი ვიცილოთ, თუმცა არც მოქმედი პროკურორის პირველი მოადგილის ირაკლი შოთაძისა და არც ანტიკორუფციული პალატის თავმჯდომარის პაატა შავაძის კანდიდატურები გამოირიოცხება. აქედან ერთ-ერთს ახალი წესის მიხედვით, რომელიც პარლამენტმა უკვე დაამტკიცა 15 კაციანი საპროკურორო საბჭო მთავარი საგამოძიებიო უწყების ხელმძღავნლად აირჩევს. მიმდინარეობს თუ არა კანდიდატურებთან მოლაპარაკება და იყო თუ არა შეთავაზება ამაზე ჯერ არ საუბრობენ, თუმცა პაატა შავაძე ჟურნალისტებთან საუბრისას ამბობს, რომ მასთან კონსულტაციები უახლოეს პერიოდში დაიწყება.  კომენტარები კეთდება ოპოზიციაში.  უმცირესობა ბადაშვილის ჩანაცვლების დაჩქარებას ქვეყნის ყოფილ პრემიერ-მინისტრ ბიძინა ივანიშვილს უკავშირებს. ოპოზიციაში მიიჩნევენ, რომ ყოფილი პრემიერი ბოლო დროს გიგი უგულავასთან დაკავშირებით განვითარებული პროცესების გამო პროკურატურის მუშაობით უკმაყოფილოა. გენერალურ პროკურატურაში ბიძინა ივანიშვილის ინტერესებზე ასევე ექსპერტებიც საუბრობენ. თავად ბადაშვილის უწყებაში ბრალდების მხარის სისუსტეს არ აღიარებენ, თუმცა ამ თემაზე მმართველ გუნდშიც არ არის ერთიანი პოზიცია. პრეტენზიები პროკუტარურასთან პარლამენტის თავმჯდომარესაც აქვს.