ჩეჩნეთში არგუნის ყოფილი მერი, იბრაჰიმ თემირბაევი შატოი-გროზნოს მაგისტრალზე გარდაცვლილი იპოვეს. გაურკვეველია, როგორ აღმოჩნდა მისი მანქანა იმ რაიონში”- ამბობს წყარო მედიასთან.
ექსპერტიზის დასკვნით, თემირბაევი მანქანით კლდიდან გადაიჩეხა და თავისა და წელის მძიმე ტრავმებით ადგილზეა გარდაცვლილი.
ჩეჩნეთის ოპოზიციური მედია ამბობს, რომ თემირბაევი, ერთადერთი მერი ჩეჩნეთში, რომელიც კადიროვის ჯგუფის წევრი არ იყო, მოკლეს და ავარია მკვლელობის დასაფარად მოაწყვეს. ასევე ვრცელდება ინფორმაცია, რომ ის ერთი კვირის წინ მოკლეს, სხვა ვერსიით, ერთი დღით ადრე.
ყოფილი მერის სიკვდილის გარემოებებს საეჭვოდ მიიჩნევენ გარდაცვლილის ახლობლებიც.
იბრაჰიმ თემირბაევი15-წლიანი მერობის შემდეგ, 2019 გაათავისუფლეს თანამდებობიდან. ოპოზიციური მდიის ცნობით,მისი გათავისუფლება უკავშირდება ჩეჩნეთის მმართველი ელიტის მასშტაბურ წმენდას, რა დროსაც მაღალი თანამდებობის პირები გაურკვეველი ბრალდებებით აღმოჩნდნენ საიდუმლო ციხეებში, სადაც მათ აწამებდნენ და ქონების დათმობას აიძულებდნენ