ვლადიმერ პუტინი ცხინვალის საოკუპაციო რეჟიმის ლიდერს ე.წ. რესპუბლიკის დაარსების ოცდამეხუთე წლისთავს ულოცავს.
კრემლის ოფიციალურ ვებგვერდზე გამოქვეყნებულ განცხადებაში რუსეთის პრეზიდენტი მზადყოფნას გამოთქვამს, რომ სამხრეთ ოსეთს ეროვნული უსაფრთხოებისა და სოციალურ–ეკონომიკური საკითხების გადაჭრაში მომავალშიც დაეხმაროს.
ცხინვალში საზეიმო ღონისძიებები მთელი დღის განმავლობაშია დაგეგმილი. თარიღთან დაკავშირებით სამხრეთ ოსეთში იმყოფებიან ოკუპირებული აფხაზეთის, თვითგამოცხადებული დონეცკისა და ლუგანსკის სახალხო რესპუბლიკების ხელმძღვანელები.