ამერიკის შეერთებულ შტატებში საქართველოდან ორი დელეგაცია გაემგზავრება. ერთს პრემიერ-მინისტრი ირაკლი ღარიბაშვილი, მეორეს კი პრეზიდენტი გიორგი მარგველაშვილი უხელმძღვანელებს.
მთავრობის მეთაური აშშ-ს 25 სექტემბერს ეწვევა, იგი მონაწილეობას მიიღებს გაეროს სესიაში, ხოლო ქვეყნის პირველი პირი კი 27 სექტემბერსა დაგეგმილ კონფერენციაზე პოლიტიკაში ქალთა მონაწილეობის საკითხებზე.
საქართველოს რეფორმების ასოციაციის თანადამფუძნებელი ელენე ხოშტარია აშშ-ში ორი დელეგაციის გამგზავრებას სასაცილოს უწოდებს და მიიჩნევს, რომ "ეს არის ქვეყნის იმიჯის შელახვის ძალიან უხერხული ფორმა".
"ქვეყანა სასაცილოდ გამოიყურება. ეს ხაზს უსვამს, რამდენად შეუთანხმებელია ხელისუფლების შტოებს შიგნით ფუნქციების გადანაწილება, რამდენად ეჯიბრებიან ერთმანეთს. ორი ქვეყანა ვართ ორი დელეგაცია რომ მიდის? – უბრალოდ აბსურდია. ეს არის ჩვენი პრობლემების გარეთ გატანა და ქვეყნის იმიჯის შელახვის ძალიან უხერხული ფორმა/