წალენჯიხის მუნიციპალიტეტში, საბერიო-ფახულანის საოკუპაციო ხაზთან მოძრაობა “შეცვალეს” წევრებმა და სამოქალაქო აქტივისტებმა, ადმინისტრაციული საზღვრის კვეთის დროს დაწესებული 5 დღიანი კარანტინი გააპროტესტეს. ასევე, მათი თქმით პრობლემა ექნებათ სკოლის მოსწავლეებს, რომლებიც სოფელ წყოუშის საჯარო სკოლაში სწავლობენ.
ოკუპირებული აფხაზეთის დე ფაქტო ხელისუფლების მიერ პანდემიის მიზეზით ენგურის ხიდი გასული წლის მარტის შუა რიცხვებიდან ჩაკეტა და 2021 წლის თებერვალში გახსნა, თუმცა, აფხაზეთის მცხოვრებნი საოკუპაციო ხაზის კვეთაზე უარს ამბობენ, რადგან მათი თქმით, მიუხედავად იმისა, რომ ცენტრალურმა ხელისუფლებამ კარანტინის ვადა 12-დან 5 დღემდე შეამცირა, ოკუპირებული გალში მცხორებლებისთვის ეს პირობები მათთვის მისაღები არ არის.