ზუგდიდში, სამეგრელო-ზემო სვანეთის სამხარეო ადმინისტრაციის შენობასთან ,,მოძრაობა საქართველოსთვის” წევრებმა საპტოტესტო აქცია გამართეს. აქციის მონაწილეებმა მათი აქტივისტის გელა შედანიას სახლში სავარაუდო სროლის ფაქტი გააპროტესტეს და პასუხისმგებლობა ხელისუფლებას დააკისრეს. უკვე მეორედ, ზუგდიდის მუნიციპალიტეტის სოფელ კახათში შედანიების საცხოვრებელ სახლში წუხლ გიან ღამით სავარაუდოდ ნათურას ესროლეს. გელა შედანია მომხდარში ხელისუფლებას ადანაშაულებს და ამბობს რომ ეს ფაქტი მიზანმიმართული პროვოკაციაა, რათა მასზე ზეწოლა განახორციელონ და აქტიური სამოქალაქო საქმიანობა შეწყვიტოს. შსსმ მომხდართან დაკავშირებით გამოძიება 187-ე მუხლით დაიწყო,რაც ნივთის დაზიანებას გულისხმობს.