მთავარისიახლეებიმსოფლიონიუ-იორკსა და ნიუ-ჯერსიში საგანგებო მდგომარეობა გამოცხადდა - აშშ-ის აღმოსავლეთ სანაპიროს ძლიერი ქარბუქი...

ნიუ-იორკსა და ნიუ-ჯერსიში საგანგებო მდგომარეობა გამოცხადდა – აშშ-ის აღმოსავლეთ სანაპიროს ძლიერი ქარბუქი დაატყდა თავს

Published on

აშშ-ის აღმოსავლეთ სანაპიროს ძლიერი ქარბუქი დაატყდა თავს, რის გამოც ნიუ-იორკსა და ნიუ-ჯერსიში საგანგებო მდგომარეობა გამოცხადდა, – ამის შესახებ ინფორმაციას BBC-ი ავრცელებს.

გამოცემის ცნობით, სტიქიამ გადაადგილებასთან დაკავშირებული პრობლემები შექმნა. ნიუ- იორკის მერმა ბილ დე ბლაზიომ გამოსცა განკარგულება, რომელიც ორშაბათიდან, ადგილობრივი დროით 06:00 საათიდან, არააუცილებელი მგზავრობის გადადებას, სამშაბათს კი საჯარო სკოლების დახურვას ითვალისწინებს.

ნიუ-იორკის შტატის გუბერნატორმა ენრდიუ კუომომ ქალაქ ნიუ-იორკსა და კიდევ 44 ოლქში საგანგებო მდგომარება გამოაცხადა.

”საშიში სიტუაციაა, სიცოცხლისათვის საშიში სიტუაცია, რომელიც კიდევ უფრო გაუარესდება,“- აღნიშნა გუბერნატორმა.

საგანგებო მდგომარეობა გამოაცხადა ნიუ – ჯერსის გუბერნატორმა ფილიპ მერფიმაც. ამასთან, მან შტატში ავტობუსებისა და სარკინიგზო მოძრაობის შეჩერების განკარგულება გასცა.

ქარბუქის გამო დიდ აეროპორტებში, მათ შორის „ნიუარკის თავისუფლების საერთაშორისო აეროპორტში“, „ჯონ კენედის აეროპორტსა“ და „ფილადელფიის საერთაშორისო აეროპორტში“ ასობით რეისი გაუქმდა. ნიუ – იორკის ლა – გვარდიის აეროპორტში კი ორშაბათს დილიდან ყველა რეისი შეჩერებულია.

სტიქიამ კორონავირუსის ვაქცინების განაწილების პროცესი კონექტიკუტში, ნიუ -ჯერსიში, როდ – აილენდში, ფილადელფიაში, ვაშინგტონის ზოგიერთ ნაწილსა და ნიუ – იორკში შეაფერხა.

აშშ-ის ეროვნული ამინდის სამსახურის ინფორმაციით, ქარბუქი „ნიუ ინგლენდის“ მიმართულებით გადაინაცვლებს, სამშაბათს კი შესუსტდება

სიახლეები

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...

გერმანიის საელჩო “რუსთავი 2-ს” დეზინფორმაციის გავრცელებაში ადანაშაულებს

გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე...