შეზღუდვების მოხსნის მოთხოვნით მთავრობის კანცელარიასთან იმართება აქცია სახელწოდებით ,,სოცაფეთქება”, რომლის ორგანიზატორებიც შეზღუდვებისგან დაზარალებული კომპანიები და სამოქალაქო აქტივისტები არიან.
აქციის წევრები მოითხოვენ, შემსუბუქდეს შეზღუდვები და რეგულაციების დაცვით გაიხსნას ქვეყანა.
მათი მოთხოვნაა ასევე,
- მოიხსნას ზამთრის კურორტებზე დაწესებული შეზღუდვები;
- სასწავლო პროცესი გაგრძელდეს საკლასო ოთახებში და გაიხსნას საბავშვო ბაღები, შესაბამისი რგულაციების დაცვით;
- განახლდეს საზოგადოებრივი და საქალაქთაშორისო ტრანსპორტის მუშაობა;
- გაიხსნას რესტორნები და კაფეები შესაბამისი რეგულაციების დაცვით ღია და დახურულ სივრცეებში;
- ზამთრის კურორტებზე მდებარე სასტუმროებს მიეცეთ მუშაობის უფლება;
- გაიხსნას ფიტნეს და სპორტული დარბაზები შესაბამისი უსაფრთხოების წესების დაცვით;
- ყველა შშმ პირს მიეცეს თავისუფლად გადაადგილების საშუალება და მოიხსნას ის შეზღუდვები, რომლებიც მათ არსებობას საფრთხეს უქმნის და მკურნალობას აფერხებს;
- გაიხსნას სახელოვნებო სივრცეები, შესაბამისი რეგულაციებით და შემუშავდეს ინდივიდუალური მიდგომები მათ ასამუშავებლად;
- გაუქმდეს კომენდანტის საათი