დღეს ზუგდიდში, ცენტრალურ სპორტკომპლექსში  კიკბოქსინგში K-1 ის წესებით  „კოლხეთის თასის“ რიგით მე-6 ღონისძიება გაიმართება.

 

ბრძოლები სულ 4 წონაში ჩატარდება.  

დღეს საჩემპიონო ბრძოლები გაიმართება ორ წონით კატეგორიაში – 72 და 80 კგ წონითი კატეგორიებში.  ამ წონებში გამარჯვებული მებრძოლები გავლენ შემდეგ ეტაპზე და იბრძოლებენ  „კოლხეთის თასის“ მოსაპოვებლად. 

ჩემპიონატის საპრიზო ფონდი 10 000 ლარი გახლავთ. 

 

ბრძოლები  19:00 საათზე დაიწყება.  ბილეთის ფასი 10 ლარია. დასწრების მსურველებს მათი შეძენა შეუძლიათ ზუგდიდში, ზვიად გამსახურდიას გამზირზე მდებარე ჟურნალ-გაზეთების  ჯიხურში.

 

შეგახსენებთ, რომ “კოლხეთის თასის“ მე-5 ღონისძიების დასკვნითი ეტაპი გაიმართა თბილისში, სადაც 65 კგ წონით კატეგორიაში „კოლხეთის თასის“ მფლობელი გახდა გიორგი ხუფენია, ხოლო 70კგ წონით კატეგორიაში ოთარ გოგობერიშილი, რომლებსაც ფულად პრიზებთან ერთად სხვა საერთაშორისო ჩემპიონატებში მონაწილეობის ლიცენზიებიც გადაეცათ.