დღეს გიორგობაა – წმინდა დიდმოწამე გიორგის აღსრულების დღე.
ამ დღესასწაულთან დაკავშირებით ყველა მოქმედ ტაძარში დილიდან წირვა-ლოცვა აღევლინება.
წირვას ქაშუეთის ტაძარში სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია II აღავლენს.
ძლევაშემოსილ და უძლეველ ზეციურ მხედარს მოიხსენიებენ ზუგდიდის, სამეგრელოს ტაძრებშიც, როგორც ეს ყოფილა ოდითგან.
რაც შეეხება ხალხურ გიორგობას – ილორობას, იგი, სამწუხაროდ, ვერც დღეს იქნება ისეთი, როგორსაც ვისურვებდით, თუმცა იქ აუცილებლად მივა ბევრი ქართველი მრევლთაგანი, რომელიც სწორედ წმინდა გიორგის შემწეობის იმედით უძლებს გაუსაძლისს- დევნილი და დამცირებული, მის სახლში გაბატონებული უცხოსაგან მომდინარე გამუდმებული საფრთხის წინაშე მდგარი – წმინდა საკვირველთმოქმედი და ძლევაშემოსილი გიორგი ხომ ქართველი ერის მფარველად მიიჩნევა.
ფოტოზე – ილორის ეკლესია ვანდალურ ,,რეკონსტრუქციამდე''