გარემოს ეროვნული სააგენტოს ჰიდრომეტეოროლოგიური პროგნოზების სამსახურის ცნობით, საქართველოში 12 მაისამდე არამდგრადი, დროგამოშვებით წვიმიანი ამინდია მოსალოდნელი.
ამაღამ დასავლეთ საქართველოს უმეტეს რაიონებში იწვიმებს, დღისით კი უმეტესად უნალექო ამინდი იქნება, ჰაერის მაქსიმალური ტემპერატურა კი 23-28 გრადუსი.
7 მაისს, დასავლეთ საქართველოს უმეტეს რაიონში დღის პირველ ნახევარში მზიანი ამინდი იქნება, თუმცა დღის ბოლოს იწვიმებს.
ჰაერის მაქსიმალური ტემპერატურა 21-26 გრადუსია მოსალოდნელი, შავი ზღვის სანაპირო რაიონებში კი 15-20 გრადუსი.
ხვალ აღმოსავლეთ საქართველოს უმეტეს რაიონებში, მათ შორის თბილისში, პერიოდულად შენარჩუნდება ხანმოკლე წვიმა ელჭექით. ზოგან შესაძლებელია სეტყვა. დღისით ჰაერის მაქსიმალური ტემპერატურა 21-26 გრადუსი იქნება; თბილისში – 24 გრადუსი. 8 მაისს, კვლავ იწვიმებს. შდღისით ჰაერის მაქსიმალური ტემპერატურა კი 22-27 გრადუსია მოსალოდნელი, თბილისში – 25 გრადუსი.