ოკუპირებული აფხაზეთის დე ფაქტო პრემიერ-მინისტრი ალექსანდრ ანქვაბი ფილტვების ხელოვნური ვენტილაციის სისტემაზე გადაიყვანეს.
დე ფაქტო მთავრობის პრესსამსახურის მიერ დღეს, 18 იანვარს გავრცელებული ინფორმაციით, პლაზმოფილტრაციის შედეგად მდგომარეობა შედარებით გაუმჯობესებული იყო, თუმცა, შემდეგ ანქვაბს ისევ დაეწყო სუნთქვის უკმარისობა და 17 იანვარს, კონსილიუმის გადაწყვეტილებით, ის გადაიყვანეს ფილტვების ხელოვნურ ვენტილაციაზე.
ანქვაბის ჯანმრთელობის მდგომარეობას აფასებენ, როგორც სტაბილურად მძიმეს.
აფხაზეთის დე ფაქტო პრემიერ-მინისტრს კორონავირუსი დეკემბრის ბოლოს დაუდასტურდა და 4 იანვრამდე თვითიზოლაციაში იმყოფებოდა. მდგომარეობის გაუარესების გამო ალექსანდრ ანქვაბი ჯერ გუდაუთის, შემდეგ კი მოსკოვის საავადმყოფოში გადაიყვანეს – უკვე 10 დღეა მოსკოვის ერთ-ერთ კლინიკაში იმყოფება.
დეკემბრის ბოლოს კორონავისური აღმოაჩნდა დე ფაქტო პრეზიდენტ ასლან ბჟანიასაც, რომელიც უკვე გამოჯანმრთელდა.
აფხაზეთში აპრილიდან აღრიცხული აქვთ კორონავირუსის 10 400-ზე მეტი შემთხვევა, მათგან 152 გარდაცვალების.