ენერგეტიკის მინისტრი  გაზის ტარიფის გაძვირებას არ გამორიცხავს. – კახა კალაძემ ამის შესახებ ცოტა ხნის წინ ჟურნალისტებს განუცხადა.

 

ენერგეტიკის მინისტრის თქმით, ბუნებრივი აირის ტარიფთან დაკავშირებით მარეგულირებელი კომისიის გადაწყვეტილებას უნდა დაველოდოთ.

 

„მოლოდინებს რაც შეეხება, დაველოდოთ, არ არის გამორიცხული, რომ მოხდეს ბუნებრივი აირის ტარიფის გაძვირება, თუ რამდენით, როგორ, ამაზე მარეგულირებელი კომისია მუშაობს და გვეცოდინება. შეიძლება არც მოხდეს გაძვირება, ამიტომ დაველოდოთ,“- განაცხადა კახა კალაძემ.

 

 შეგახსენებთ, „ერთიანი ნაციონალური მოძრაობის“ წარმომადგენელმა ოთარ სირაძის მიერ გუშინ გაკეთებული განცხადებით რომ ივლისიდან გაზის ტარიფის ზრდა იგეგმება:

 

„ქართული ოცნება“ მოსახლეობას ტარიფების განახევრებას ჰპირდებოდა, მაგრამ ეს უკვე მერამდენედ ხდება გაზის ტარიფის მატება.-  ივლისიდან მოხდება გაზის ტარიფის ზრდის „შემოპარება“, რაც მძიმე ტვირთად დააწვება ისედაც გაჭირვებაში მყოფ მოსახლეობას, რადგან   გაზის ტარიფის ზრდა გამოიწვევს სხვა სასიცოცხლოდ აუცილებელი პროდუქტების გაძვირებასაც.'' – განაცხადა  ოთარ სირაძემ –  

 

მისი თქმით,  „ეს არის კახა კალაძის არაკომპეტენტურობის და „ქართული ოცნების“ მთავრობის არასწორი პოლიტიკის შედეგი. მათ ვერ მოახერხეს ინვესტიციების მოზიდვა, ხდება სახელმწიფოს ინტერესების საწინააღმდეგო ხელშეკრულებების დადება, შეგახსენებთ „გაზპრომთან“ დაკავშირებულ საკითხს, ასევე სასამართლო დავებს „ინტერ რაოსთან“, „ყაზტრანსგაზთან“. მათი ოთხწლიანი მავნებლური ეკონომიკური პოლიტიკის გამო, ჩვენ მივიღეთ გაუფასურებული ლარი, თავის მხრივ, კი ვღებულობთ ტარიფების ზრდას“.