ზუგდიდის ვლაქერნის ღვთისმშობლის სახელობის ტაძრის წინამძღვარი მამა მალხაზ ჭანტურია რადიო „ათინათთან“ საუბარში კომენტარს აკეთებს იმ აჟიოტაჟზე, რომელიც ე.წ. კომბინატის დასახლებაში, ერთ-ერთი ოჯახის ფანჯრის მინაზე ღვთისმშობლის ხატის მსგავსი გამოსახულების გამოჩენას მოყვა:
„ეს არავითარი ეკლესიური საკითხი არ არის, უმჯობესია, ქიმიკოსმა ან ფიზიკოსმა აუხსნას ხალხს, რა ხდება- ხატები და ჯვრები ეკლესიაშია, ვისაც სწამს, აქ მოვიდეს. იქ რომ დგანან და სანთლებს ანთებენ, ცეცხლი არ წაუკიდონ შენობას. მსგავსი ამბები რწმენას კი არ აძლიერებს, პირიქით. ადამიანს შეუძლია ნებისმიერი ფიგურა რამეს მიამსგავსოს… ეს რომ რამე ეკლესიური იყოს, პატრიარქიც და მეუფეც ისაუბრებდნენ ამის შესახებ“, – აცხადებს იგი და მოსახლოებას მოუწოდებს, მსგავ მოვლენებს გადაჭარბებული ყურადღება არ მიაქციონ.
შეგახსენებ, 29 აპრილს, ე.წ კომბინატის დასახლებაში, ერთ-ერთ კორპუსთან ასობით ადგილობრივი შეიკრიბა. მათი აზრით, საცხოვრებელი ბინის ფანჯრის მინაზე ღვთისმშობლის ხატი იყო გამოსახული. აღნიშნულის გამო, მოძრაობა შეფერხებული იყო, სიტუაციას ადგილზე მობილიზებული სამართალდამცავები აკონტროლებდნენ.