ზუგდიდში, კომბინატის დასახლებაში, თამარ მეფის ქუჩაზე ერთ-ერთი სახლის ფანჯრის მინაზე ღვთისმშობელი გამოისახა. როგორც ადგილობრივები ამბობენ, შემთხვევა დაახლოებით დღის 4 საათზე შენიშნეს.
ამ დროისთვის ადგილზე მოსახლეობაა შეკრებილი. ისინი სანთლებით ხელში კორპუსის წინ დგანან და ლოცულობენ. აქვე იმყოფება სასულიერო პირიც, რომელიც ჯერჯერობით კომენტარს არ აკეთებს.
თამარ მეფის ქუჩაზე მობილიზებულია ასევე საპატრულო პოლიცია. ისინი ხალხმრავალ პერიმეტრს აკონტროლებენ.
