,,შრომა არ ტეხავს’- ‘ ამ წარწერას ზუგდიდის ერთ-ერთი ტაქსის უკანა მხარეს თუ აღმოაჩენთ, უნდა იცოდეთ, რომ ეს ანია 27 წლის და ზუგდიდში ქალებისთვის ნაკლებად პოპულარული სამსახური აქვს. ტაქსისტობა მისთვის ბევრ სტერეოტიპებს ამსხვრევს, თუმცა ტაქსის მძღოლი მამაკაცები მის მიმართ ნაკლებად კეთილგანწყობილები არიან და იმ ადგილას, სადაც ანის ბევრჯერ შეხვდებით, მიუსაფარი ძაღლები მისი ერთადერთი მეგობრები არიან, რომლებსაც თავისი დანაზოგით ყოველდღიურად კვებავს. ანიმ უნივერსიტეტიც დაამთავრა, დიპლომიც აქვს და მიუხედავად იმისა, რომ თავისი არჩევანის გამო, როგორც მრავალ ადამიანთან, ასევე ოჯახთანაც უთანხმოება ჰქონდა, მან ემიგრანტად ყოფნას, საქართველოში ტაქსისტობა ამჯობინა.
შრომას სქესი არ აქვს და შრომა არ ტეხავს, მთავარია გულით მოგწონდეს ის საქმე, რაც შენი ცხოვრების ნაწილია ამბობს ანი ამით მაგალითს აძლევს სხვა ქალებს, თუ როგორ შეიძლება თანაბარი შესაძლებლობებით, თუნდაც ნაკლებად მეგობრულ ან კეთილგანწყობილ გარემოში გააკეთო ის, რაც მოგწონს.