ნაძალადევში, ლომთათიძის ქუჩაზე ერთ ადამიანი სროლის შედეგად დაჭრეს. დაჭრილია 40 წლამდე ასაკის მამაკაცი, რომელიც საავადმყოფოში გადაიყვანეს და ოპერაცია ჩაუტარეს. ამჟამად მისი ჯანმრთელობის მდგომარეობა სტაბილურია. ეს ფაქტი დღის 2 საათისთვის მოხდა. სავარაუდო დამნაშავე ადგილიდან მიიმალა.

არსებული ინფორმაციით, მეზობელმა მეზობელი დაჭრა. დაჭრას კი წინ მათ შორის კონფლიქტი უძღოდა.

მეზობლები ამბობენ, რომ კონფლიქტის მიზეზი მათთვის უცნობია, მათ მხოლოდ რამდენიმე გასროლის ხმა გაიგეს.

შსს-მ გამოძიება 108-ე მუხლით დაიწყო, რაც განზრახ მკვლელობის მცდელობას გულისხმობს.