ხვალიდან, 28 ნოემბრიდან, საქართველოში ახალი რეგულაციები ამოქმედდება. ქვეყანაში კორონავირუსით ინფიცირებულთა რაოდენობის ზრდამ, მკაცრი შეზღუდვებისა და აკრძალვების შემოღება გარდაუვალი გახადა. მაქსიმალურად შეიზღუდება ხალხის მიმოსვლა სხვადასხვა თავშეყრის ადგილებში, რაც პირდაპირ აისახება ბიზნეს სექტორზე. რესტორნები და კვების ობიექტები მთლიანად გადადიან გატანის სერვისზე, რაც მსხვილი მასშტაბის რესტორნებსა და მათ თანამშრომლებს ცალსახად დააზარალებს. მათი თქმით, ისინი თავდაცვის ყველა საჭირო რეკომენდაციას იცავდნენ და სახელმწიფოს მიერ მიღებულ გადაწყვეტილებას არასწორად მიიჩნევენ.
რესტორნებისა და ღია კაფე ბარების მფლობელები სტაფს ვერ ინარჩუნებენ, რაც იმას ნიშნავს, რომ ათასობით ადამიანი შემოსავლის გარეშე რჩება, ბიზნესის მფლობელების თქმით, პირველი ლოქდაუნი ამ სფეროსთვის ფაქტიურად დარტყმის სამიზნე აღმოჩნდა, მეორე ლოქდაუნი კი უღტულესი იქნება და არ არის გამორიცხული ეს ბიზნესი უკვე სარფიანი ვეღარ გახდეს
შეგახსენებთ, რომ პრემიერ-მინისტრის ხელმძღვანელობით მთავრობის უწყებათაშორისი საკოორდინაციო საბჭოს გადაწყვეტილებით ქვეყანაში მოქმედი რეგულაციები კიდევ უფრო გამკაცრდა. 26 ნოემბერს ქყვეყანაში ეპიდსიტუაციის დამძიმებიმების ფონზე, დამატებითი წერტილოვანი შეზღუდვები დაწესდა, რაც ხვალიდან, 28 ნოემბრიდან ამოქმედდება.