"ბიძინა ივანიშვილმა შპს "ურეკი რეზიდენსის" 100 % წილი, მის ვაჟს, ბერა ივანიშვილს 4 მილიონ ლარად მიჰყიდა. ამის შესახებ განცხადებას ,,პირველ რადიოსთან'' საუბარში " "ახალი საქართველოს" ერთ-ერთ ლიდერი, ლევან ხაბეიშვილი, აკეთებს. დოკუმენტების მიხედვით, ბერა ივანიშვილს 4 მილიონი ლარის დასაფარად 15 დღიანი ვადა აქვს.
"ბიძინა ივანიშვილი და მისი ვაჟი ბერა ივანიშვილი ერთმანეთში ვაჭრობით არიან დაკავებულები. ხელში ჩაგვივარდა დოკუმენტაცია, საიდანაც ირკვევა, რომ ბიძინა ივანიშვილმა შპს "ურეკი რეზიდენსის" 100 % წილი, მის ვაჟს, ბერა ივანიშვილს 4 მილიონ ლარად მიჰყიდა.
საინტერესოა , როცა ქვეყანაში მძიმე ეკონომიკური მდგომარეობა, მამა-შვილი ივანიშვილები ერთმანეთთან ვაჭრობით და მილიონების გაცვლით არიან დაკავებულები. საინტერესოა, რომ ხელშეკრულებაში ბიძინა, მის ვაჟს, ბერას 15 დღიან ვადას აძლევს 4 მილიონი ლარის დასაფარად"-განაცხადა ლევან ხაბეიშვილმა.
მისივე თქმით, საინტერესოა დადგინდეს, რა არის აღნიშნული კომპანიის რეალური საბაზრო ღირებულება და რა ღირს მისი 100% იანი წილი.
ხაბეიშვილი არ გამორიცხავს, რომ აღნიშნული ნასყიდობა, შესაძლოა, ფულის გათეთრების მიზნით ხდებოდეს.