ცოტა ხნის წინ ცნობილი გახდა, რომ 60 წლის ასაკში ლეგენდარული არგენტინელი ფეხბურთელი, დიეგო მარადონა გარდაიცვალა.
BBC-ის ინფორმაციით, იგი არგენტინის ქალაქ ტიგრეში გულის შეტევით გარდაიცვალა.
ნოემბრის დასაწყისში უცხოურ მედიაში ვრცელდებოდა ინფორმაცია, რომ სპორტსმენმა თავის ტვინზე ოპერაცია გაიკეთა: მის ჯანმრთელობას თრომბი საფრთხეს უქმნიდა.
ასევე ცნობილი იყო, რომ მარადონა ალკოჰოლზე დამოკიდებულების გამო აქტიურ რეაბილიტაციას გადიოდა.
სოციალურ ქსელებში ამ ფაქტს მისი გულშემატკივრები და ფეხბურთის ქომაგები ეხმიანებიან და ლეგენდას ემშვიდობებიან.
